cf_06_vi

folio: 17r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

17r 40

] tlacauhquj in moiollotzin oticmocnelili ca oceuh in ijollo in jnacaio ca oia ca oommotecato in atecpitla ca ie qujceujtoc auh ca ocenmaian catca ca ocenmaian onqujz ca ocen onqujz in tlalticpac mach çan cana viloaia oalilotiz oalmocuepaz oc ceppa ixco icpac tlachiaz in atl in tepetl auh cujx oc conjtoqujuh in ma iuh ie y in ma iuh muchioa y auh oc ceppa ma ia imjxco imjcpac tlachiaqujuh in tetecutin in tlatoque cujx oc qujttazque cujx oc qujximatizque cujx oc qujcujzque canazque in jten in jtlatol cujx oc qujnciappovaz cujx qujnciauhquetzaz a ca ocen oncatca ca ocen onqujz a ca oceuh ca otlaiooac ca oceuh in ocutl ca opoliuh in tlavilli in tlanextli ca ocenmaian icnopiltic in atl in tepetl anca quen tlamamanjz mach oc oalmotlamachitia anca ça quen poliviz auh anca ça quen popololoz in cujtlapilli in atlapalli auh in atl in tepetl cujx yio njcan iteputzco ica necacaiaoaloz xixinjz momoiaoaz [fol r

17r 41

] in onelli mach ipan qujçoçooaco in jahaz in jcujtlapil in onelli mach ipan mohonoltitivia auh manoce cuel ma cactimanj ma iooatimanj in matzin in motepetzin ca inencauhian ticmuchivilia tlacatle totecoe

17r 42

Aviz nelle axcan quen qujnequj in moiollo cujx cactimanjz cujx iooatimanjz in atl in tepetl cujx inencauhian ticmuchiviliz a ieh motolinja in tlatqujtl in tlamamalli in cujtlapilli in atlapalli ca inan ca ita qujtemoa ca inan ita qujnequj ca mopachollanj a nelle motolinja in cenquavitl in cençacatl mantiuh in teutlalli qujtoca in jxtlaoatl qujnamjquj in qujmjxtemolia in qujtemoa y' qujcuj in qujtepoloa in qujlitl in quavitl in tlacotl