cf_06_vi

folio: 45v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

45v 139

] tlaçotitlacatzintle totecoe tlachichiqujlco y' nemoa in viloa tlalticpac njpa tlanj njpa tlanj acampa veli in tlaopuchco in tlaitzcac centlanj Ma ne iuhqujn titequanj timuchiuh ma çan cen ticqujqujxtitie in motlan in mozti ma çan cen timopipitztie titlac manaz titlamauhtiz tâoaio tivitzio timuchioaz xiccacalaquj in motlan in mozti xiqujmaavili xiqujnnechico xiqujncepano xiqujnquêquequelo xiqujncococonavi in mopilloan in motlatocaioa auh xiquellelqujxti in atl in tepetl xictlatlamantili yieieia xictlali in moieliz in monemjliz xicolinj xiciocoia in avillotl in vevetl in aiacachtli in vncan moiocoia in vncan molnamjquj in vncan mopitza momamali in teuatl in tlachinolli xiqujmahavili xiqujncecelti in aoaque tepeoaque ic tonjtoloz ic tonteneoaloz in otlacauhquj in otlaocux yiollotzin totecujo [fol v

45v 140

] in omjtzonmotlatili auh ic onchocaz ic onelciciviz in veve in jlama

45v 141

Tle ticmatcatzintli tlacatle tlatoanje nopiltzintzine totecoe tlaçotitlacatle in maca çan cana panoaia ma oc xonmocxiieiecotzinotiuh ca amo ivian ieccan ca amo yvian qualcan in petlapan in jcpalpan in jmaviziocan auh in tlalticpac ca tlaalaoa ca tlapetzcavi ca aiac onqujzca ca moquatoc ca nenepanjuhtoc in tzoaztli in tlaxapuchtli in xomecatl in çacaqualli in çacamjtl ma oc ontlanto yn jioiave in totecoe ma oc ontlamj in melciciviliz Maca xoconvelicachioa maca xoconpaccachioa in cochiztli auh in nel cueitl vipilli tle iez quexqujch qualiztli ca mjqujztli ca cocoliztli ma xonmocujcujtivetzto ma xoconmamatto ma xocontetemjcto in motequjuh