cf_06_vi

folio: 121r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

121r 454

] ma cuel tiqujto ca ie njtlatqujtica ca ie ivin nonca y ca ie notztli auh ma ticpopouh ma mjxco mocpac tiqueuh mjtic tlamatiz in totecujo in tetl in quavitl ijtic tlamati tlachia çan cuel itla mopan oallaz topilmjccaio techmaitiliz in totecujo çan cuel itla ic onolinjz in piltzintli in atzintli auh noce temuxtli ehecatl mopan qujoalmotemoviliz in tloque naoaque canel noço topilneccaio techmaitilia in totecujo ioan canel noço otichicotlato oc uel timonelchiuhca acace mote momaceoal aço oalpanvetzi in jnvitz in jnmeuh in machcocolhoan in motechiuhcaoan in mjtzmocavilitivi aço qujmoxotlaltiliznequj aço qujmocueponaltiliznequj in vitztli in metl in vecatlan tlallan contlazteoaque in vevetque aço iehoantin qujnpatilotiznequj qujmjxiptlatiznequj [fol r

121r 455

] in totecujo in oqujnmopolhvi in oqujnmotlatili aço qujnmotzonteconacocujliznequj in veveixtitivi

121r 456

Auh in axcan nochpuchtze xocoiotle ma oc cenca moiolicatzin ma oc cenca tle ticmomachitia ma oc mochoqujz ma oc melciciviliz ic xoie xonmoietztie ma oc itlan xonaquj in ochpanoaztli in tlacujcujliztli in chico tlanaoac tlaviqujliztli tlatequjliztli in tlaecapeviliztli auh in copalli in tlenamactli ma iooalli xoconjtzto macamo xoconvelicachioa macamo xoconaviiacachioa in cochiztli oc cenca oc moceniollocopa in xonelcicivi quenmach nenti in macujl in matlac anca quen tamjque o