 |
 |
 |
 |
 |
 |
 |
 |
Reproduccion digital
Auh in oqujcencauh piltzintli in ocalti njman qujqujmjloa qujnotztinemj qujlvia Cozcatl quetzalli chalchivitl maqujztli teuxivitl otijocoloc in vmeiocan in chicunauhnepanjuhcan omjtzima omjtziocux in monan in mota in vme tecutli in vme cioatl in jlvicacioatl otimaxitico in tlalticpac in toneoaloian in chichinacoian in tona in ceoa in eheca in jteupouhcan in jciauhcan in amjcoaian in teucioaian in cecmjcoaian in chocoaia ca amo nelli in qualcan ca chocoaian [fol v
] ca tlaocoialoian teellelaxitican Yzca in ticmotequjpanjlviz choqujztli ixaiotl tlaoculli ciaviztli otimaxitico noxocoiouh notelpuchtzin anoço nochpuchtzin ma ximocevi ma tlaltech ximaxiti ma mjtzmoiocolili ma mjtzmjtzmjmachili in tloque naoaque in totecujo
In jxqujch qujtoa in ticitl amo tzatzi çan popolocatinemj çan motenpepeionjtinemj auh njman naoati tlaquauhtlatoa qujnotza qujtzatzilia in mjxiuhquj qujlvia
Ic cempoalli onmatlactli omei capitulo vncan mjtoa in tlatolli in qujtoaia ticitl injc qujtlatlauhtiaia mjxiuhquj ioan in quenjn tlatlatlauhtiaia in joaiulque mjxiuhquj injc qujtlatlauhtiaia ticitl in jpampa in jtlatequjpanoliz in vel oqujchiuh auh in tlein qujtoaia mjxiuhquj cenca qualli in tlatolli oc cenca iehoatl injc tlacuepa mjxiuhquj