124r 464
A ca ie njcan amonmeviltiticate a ca njcan onqujça in naiotl in taiotl manoço ontlantie in amonaiotzin in amotaiotzin ma oc xiqujmonmonochilican ma oc xiqujmonmotzatzililican macivin ie iuhque in âpipiltotonti âcoconetotonti aoc tlaaviliecoznequj aoc tlaqueliecoznequj in tlalticpac amonotzallanj amotzatzillanj ca tamechontotlatlauhtilia ma oc ontlanto in amjhijo in amotentzin in amotlatoltzin ma oc onchocacan ma oc ontlaocoiacan ma oc onelcicivican cujx nelli yn in tlein topanti in tlein tomaceoaltiznequj ca çan titemjquj ca çan ticochitleoa ca çan no iehoatzin moçomaz monenequjz in tloque naoaque [fol r