cf_06_vi

folio: 11v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

11v 24

] ma xicmonantili ma xicmotatili in quauhtli in ocelutl in cenquaujtl in cemjxtlaoatl mantiuh in qujmottitia in texcalli in atlauhtli in jmac maniz in quauhxicalli in quappiaztli in tlapotonjlli auh in mjtzmotlatotonjliz in qujtotonjz auh in qujtimaloz in chimalli in tlaviztli in tençacatl in tlalpilonj in nacochtli in cuecueiochtli in matemecatl in cotzeoatl in maxtlatl in tilmatli in quemjtl auh in qujtotonjz in jlviltiz in jmaceoaltiz in qujcnopilviz in qujmaceoaz in chalchiuhtli in teuxiujtl in quetzalli auh in teucujtlatl in motzmolinca in mocelica in motzopelica in maviaca in motechcopatzinco vitz in monacaiotzin auh in ie ixqujch in quauhtlj in ocelutl manoço achitzin qujcnopilvi ma achitzin itech matilivi in tiçatl in jvitl ma xicmottitili in tlamaviçolli macamo mavi in jiollo ma caujiacamati ma qujtzopelicamati in jtzimjqujliztli ma ica in jiollo cavilti in necoc tene in tlapotonjlli [ fol v

11v 25

] in jtzpapalotl ma qujnenequj ma quehelevi in jtzimjqujzxuchitl ma qujuelicamati ma caujiacamati ma qujtzopelicamati in iooalli in tlacocomotzaliztli in jcavaqujliztli ma xicmoviviti ma xicmocnjuhti

11v 26

Auh injc tinecoc iautzin injc timoiocalatzin injc timoquequeloa injc aiac motenpan ma xicmotlaoantili ma xicmjvintili ma xicmoxocomjctili yn toiaouh ma imac oalmotlaça ma qujoalmomaca ma ica oalmomotla in tocnoquauh in tocnoocelouh in aiavia in avellamati in toneoatinemj in chichinacatinemj in tlalticpac