cf_06_vi

folio: 32v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

32v 92

] ca ie xamanj ie xaxamaca in tlatqujtl in tlamamalli ie tlaixpolivi in tlalticpac ie tlaoaquj ie mjquj in tlachichinanj in manenemj ie ixpoliuj manoço xicmonequjlti ma xiqujnmomacavili y' totecujoa in teteu in tlamacazque in jauhioque in copalloque ma motlacotiliquj ma motequjtiliquj in tlalticpac ma tlapovi in necujltonolli in netlamachtilli ma molonj yiauhchicaoaztli ma viujxavi in aiachquavitl ma qujmocujlican in olcactli ma centlachipinaltzin ma centetzintli haoachtzintli ic xicmopalevili ic xicmonanamjqujli in Tlaltecutli in tlacaoapaoa in tlacazcaltia auh manoço xicmoiollalili in tlaihiiovitoc in tonacaiutl in tlaçopilli in teteu inveltiuh in cuenco momavilanaltitoc in cuenco moçotlaviltitica [fol v

32v 93

] in mjhiiocavilia ma mocujltono ma motlamachti in maceoalli ma qujtta ma qujmaviço in chalchivitl in teuxivitl in qujltzintli in jnnacaiotzin totecujoa in tlamacazque in tlaloque in qujtqujtivitze in qujtzetzelotivitze in jntlatquj ietiujtz

32v 94

Auh ma mocujltono ma motlamachti in iulcatzintli in xiuhtzintli ma tlato ma papatlaca ma tlachichina in quechol in çaquan auh macanoçomo imelleltzin in tlaveltzin oalmoquetzatiuh ca tonalpitzavatoc in maceoalli qujmomauhtilizque qujmjçavilizque macamo motlatlaveltitzitzinoca ma çan iehoatl qujmanjlica qujmovitequjlican in ie innemactzin in jpan iol in jpan tlacat in vmpa pouhquj tlaloca in jmaxcatzin in jnnemactzin macamo ica maviltizque in cujtlapilli in atlapalli in cenquavitl in cençacatl mantiuh in cemjxtlaoatl t timanj