cf_06_vi

folio: 158v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

158v 577

] in tlaçotli in maqujztli in teuxivitl in ololivic in vel popoca in chalchiuhtli in acatic in xictic in vel qujltic in vel icucic in quetzalli in vel iaque in xopaleoac â njcan anpilhoacateuhtlamattoque auh manoço xoconcujltonocan manoço xocontlamachtican in cozcatl in quetzalli in tzicueoallotl in tlapancaiotl in tzontli in jztitl in tlaçotli ma oc xonpilhoacateuhtlamattocan auh manoço nelle oc ioan ontlanto in choqujztli in jxaiotl in tlaoculli in tlatlauhtli Ma oc nelle axcan xoconmotlaoculnonochilitocan in teoutl in tlatoanj in tloque naoaque in moiocoia in moquequeloa quenmach nenti teutl qualo tlatlatzinj otopan qujoalmonequjlti oçan techonmanjlilico in tlacatl totecujo quenmach nenti ochoqujztli tlaoculli qujmotemovili in jpalnemoa A manoço nelli a ie tocontomactocacan â in njcan tictemjquj ticcochitleoa in piltzintli [fol v

158v 578

] in toxviuhtzin â ma oc nelle axcan tictotemachilican ma tictochialilican in quen muztla viptla qujoalmonequjltiz in pilhoacatzintli in axcaoacatzintli auh î çan nel oc maia î çan cuel achic ca qujoalmonequjltiz in quenman qujoalmonênequjltiz

158v 579

Auh ca njcan monoltitoc in tochpuchtzin in cihoapilli in cioatecutli in xocoiotl ca otlacotic ca otequjt ca oiaot ca oonmjqujztequjt auh ca oconjneuh in mjqujztli Manoçoc tlacaoa in amoiollotzin ma oc amomactzinco in achitzin oalmjmati ma itla ic otimocaxanj ca oc njcan amechonmocnopilhvilia tle anqujmomachiltia totecujiooane nopilhoantzitzine ma ximotlacotilican