cf_06_vi

folio: 48v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

48v 155

Auh anoço ica aço ipãpa yn jtlatlacul in atl in tepetl aço çan cuel ticnopiltizque at çan axcampa at noço çan cuel mjtzalmonochiliz mjtzalmotzatzililiz in totecujo tocontocaz in monan in mota in mjctlan tecutli at no ce vnpa toiaz at tontlamatiz in jxtlaoatl ijtic in jxtlaoatl inepantla in teuatenpan in tlachinoltenpan at titeatlitiz at titetlaqualtiz in topan at tocontocaz in monan in mota in tonatiuh in tlaltecutli at intech tonaciz in quauhtin in ocelo in tiacaoan in caviltia in coiovia in tonatiuh in tiacauh in quauhtleoanjtl in paquj in avija in vellamati in motlamachtia in tlachichina quexqujchtzin in qujmjtalvi [fol v

48v 156

] totecujo ma oc tictotemachilican

48v 157

A ma ximotlacotili ma ximotequjtili ma itlan ximaqujti in etic in tlamamalli in aixcoeoaliztli in aixnamjqujliztli auh ma xicçoa in mahaz in mocujtlapil ma motlan mocalaquj in momaceoal in motlatquj in motlamamal

48v 158

A ma mocalaquj in moceoallotitlan in mecauhiotitlan ca tivei timalacajo tipochutl tavevetl mjtzmuchivilia in totecujo maiecuel ma mocujltono ma motlamachti in tlatqujtl in tlamamalli

48v 159

Ca ixqujchtzin ic momatzin mocxitzin njcpachoa njctlatlauhtia in moiollotzin in monacaiotzin tle ticmatcatzintli totecoe tlatoanje tlaçotitlacatle ma ximotlacotili ma ximotequjtili ma xicmonânamjqujli in tlacatl in totecujo auh ma itlan ximaqujlti in matzin in motepetzin