cf_06_vi

folio: 177v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

177v 658

Tlacatle totecujoe tloquee naoaquee a ca izcatquj in mocujtlapiltzin in matlapaltzin in maceoalli movictzinco qujtqujtivitz qujtotivitz qujvenchiuhtivitz in nantli in tatli ca tel amo ticmotlanevilia ca maxcatzin motolinja manoço xicmocelili anoço achica njcan ochpanoaztli tlacujcujliztli mjtzmuchivililiz in njcan mochantzinco in tlamaceoalizcali in choqujzcali in jxaiocali in vncan moxillantzinco mocozcatlantzinco [fol v

177v 659

] mamaiavi in tepilhoan in vncan tinotzalo in vncan titzatzililo in vncan titlaoculnonotzalo in vncan titlanjlilo in mjhijo in motlatol manoço xicmocnelili ma xicmocelili ma intech xicmopovili ma inioan povi in tlamaceuhque in tlamacazque in motecque Tlacatle totecujoe tloquee naoaque ma tlacaoa in moiollotzin ma xicmopovili in tlein ticmopoviliz in tlein ticmocuepiliz

177v 660

Niman qujmachiotia in ie achi qualton mjtoa qujquapaxotla ijelpan qujtetequj auh in oc conetontli qujcozcatia hijaqualli Auh in cioatl conetontli inmanel noço ie achi vei çanijo qujcozcatia in hijaqualli in oc conepil qujoapaoa in jnantzin in jtatzin in oqujchpiltontli in cioapiltontli

177v 661

Auh in ie vei njman calaquj in teupan in oqujchpiltontli calmecac calaquj tlamaceoalizcali In cioapiltontli in ie qualton no calaquj in calmecac in vncan onoque in vncan mopia ipihoan