cf_06_vi

folio: 7r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

7r 17

] achitzin qujmaviço manoço achitzin xicmottitili in motzmolinca in mocelica in motzopelica in maviaca ca nelli mach in qujhiiouja in qujciauj manoço achitzi mopaltzinco oalmotzonteconacocuj manoço achica cavitl mopaltzinco ontlacacotlamati manoço achitzin cavitl mopaltzinco ontotonja onjamanja in jiomjo in jnacaio in maceoalli manoço mopaltzinco ontemjquj oncochitleoa ma oc achica caujtl mjtzonmotlapialili hat oconmocujliz hat oconmjquanjliz auh at oconmotlatiliz hat oconmjnailiz in oachica caujtzintli in mahan xuchitl in oconjnecu in oconmaujço in at oncuecuenotiz in at onatlamatiz in at ijxco icpac queoaz qujmanaz in maxcatzin in mocococatzin in aço ic ommjtonjz in aço ic ommamanaz hat oconmomaqujliz in nelli chocanj tlaocoianj in uel elciciujnj [fol r

7r 18

] in nelli icnotlacatl in nelli icnopilli in nelli motolinja in motloctzinco in monavactzinco mocalaqujanj in mopiloanj in mopechtecanj yn jtolol in jmalcoch qujchiuhtinemj tlalticpac in nelli qujtoa in nelli mjtzmomaqujlia in jniollo auh in at oncuecuenotiz in axcan mixpantzinco njcquequetza ha conjttaz hat oconmottitiliz in nelli vel iehoatl ijlujl imâceoal in toneviztli in chichinaqujztli in jcnoiotl auh in jxpopoiotl in côcototztli acommaviçoz auh acontimaloz auh havmpa onqujçaz in tlalticpac anelli mach in toconmotlatlachialtiliz auh hano iquac tzicunoz ha iquac mocujtiuetziz in ie cecec itech eoa in ie toneoa in ie chichinaca in jiollo in jnacaio a iquac motlattaz a iquac motztimotlaliz auh ie cujx oc vncan ca oconcauh ca otlatlaco ca omjxpantzinco tlacolo tlaujltec