cf_06_vi

folio: 6r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

6r 14

] in nentlacaiutl aommonamjquj in jquechtlan in jquezpan pilcac in jtzotzomatzin in vmpa oallauh ehecatl vmpa qujtquj vmpa qujmalacachoa vmpa qujmana acanjn moqujxtia nelli mach in toxomj in oaçomj injc qujmjxtemolitinemj in cochcaiutl in neuhcaiutl cenquaujtl cemjxtlavatl mantiuh aviz nelle qujtimaloa in cujtlaxcolpitzactli ytech motetecatinemj itech icoiocatinemj in jcoaiotzin nelli mach in omjçauhtinemj in cicujliuhtinemj aujz nellehoatl can tequjaoatlan qujquequetza in chilçolotl in jztatapalcatl auh iz in acan ommaqujtia can techinantitlan can texomolco can tecaltech itolol imalcoch qujchiuhtica tençaquaoatica itentzin qujpalotica yiztitzin qujtoponjtica çan avic moteijttilia çan tecamacpa motztilitica Auh tlacatle totecoe in jvetzian in jcochian iuhcan o nelli mach in qujhijovia nelli mach [fol r

6r 15

] in qujciavi achchi in tzotzomatzin in jpan qujoallaça auh iuhquj ommoteca iuhquj ommotlaça

6r 16

Auh in qujoapaoa in qujmjzcaltia in motlachioaltzitzioan tlacujtlaticeoa tlacuecuechca achchi in jnquezpan pilcac auh nelli mach in cujtlaxcolpitzactli qujiecoa tlacicicujliuj tlaiaiauh mochoqujlitinemj melciciujtitinemj nelli mach in jmellelacitinemj ceiooal cemjlvitl in tlepan moteca

6r 17

Tlacatle totecoe iooalle ehecatle manoço tlacaoa in moiollotzin ma xicmocnoittili ma xicmotlaocolili ma xicmjximachili in momaceoaltzin motolinja in movictzinco elciciuhtinemj in mjtzmonochilia in mjtzmotzatzililia in mjtzmotemolia in movictzinco nentlamati