cf_06_vi

folio: 162r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

162r 588

] in vevetque in jlamatque in moxillantzinco in motozcatlantzinco in cuelpachiuhtoc î cepoatoc in anemjuhquj njcan cententica cencamatica ticmotlatlauhtilia ticmotlapalvia in piltzintli in omecavi in oqujmomacavili in totecujo in oqujoalmomacavili in oqujoalmjoali macace motlatoltia macace monaoatilia ca iehoatzin ticmomaqujlia ticmononochilia ticmotlatlauhtilia in totecujo in tloque naoaque in mache pilhoacatzintli in axcaocatzintli quen ie qujmonequjltia in iehoatzin totecujo cujx tocnopiltiz cujx tomaceoaltiz cujx monoltitoz motetzavitiz cujx achi qujmuchiviliz in jpalnemoanj cujx iehoatl teixiptlatiz tepatillotiz cujx qujntonaleoaz cujx qujmjtauhcaiotiz in totecujiooan in tetecutin in tlatoque cujx iehoatl qujnxotlaltiz qujncueponaltiz [fol r

162r 589

] in jnteio in jntoca in totecujooan cujx noçe in amo tle ilhvilli in amo tle maceoalli cujx ixqujchtzin qujoalmotzatzililiz in totecujo Ca amo vevemjcoa ca amo ilamamjcoa ca ceiooal ca cemjlvitl in viloatimanoa ca qujoalnotza ca qujoaltzatzilia in tonan in tota in Mictlan tecutli in coçoltzintli in quavic onoc in tlalli ijxco ca in tlalli yn tapalcatl in cololoa auh in moquequetza in movilana auh iehoatl in ie peioctzintli viloaticac in jiolloco cioatl in jiolloco oqujchtli

162r 590

Ca çan nelle axcan tictemjquj ticcochitleoa in cozcatl in quetzalli cujx tolhvil cujx tomaceoal cujx tonemac in piltzintli ca çan tixtlan onqujçaco