145r 944
] vncan teixpan qujtlaz in jmaxtli auh in oqujqujz (qujlhuja) teuiotl njman ica necentlaliloc ca otlapinauhti in qujtlaz imaxtli in vel ivintic auh çan pinaviztica in tetlalcavi in Cuextecatl qujnvicac in imaceoalhoan in jxqujchtin motencaquja motqujtiaque ololiuhtiaque ie vmpa itztiaque in vmpa oallaque in panutla in axcan (mitoa) pantla auh çan ic vnmotzotzonato in atl in ilhujcaatl vncan motecaque iehoan in mjtoa toveiome q n tooampooan auh in itech qujça tocaitl in jntlatocauh in jtoca Cuextecatl motocaiotia cuexteca Injque y qujl qujtquique in ahavillotl in tlatlapitzalli ipampa miec tlamantli injc omaujltitia mjec tlamantli injc oteixcuepaia ic teixcuepaia in qujtlatia xacalli in qujchioa atl in motetequj mjec tlamantli in qujchioaia auh amo qujcauhque in jnpinaviz in jvintiliztli cenca qujmotequjtiaia [fol r