122r 887
] amo ovmentin momana inic qujtemoa in incochca inneuhca iuh mjtoa amo motlaximanj ipampa ca çan vel qujnpixtinemj in jncioaoa auh cenca çan quenman cenca çan jca in neci tetlaxinquj In onez njman monotza motzatzilia in jxquichtin in quexqujchtin ce tlatoanj qujnpachoa iixpan qujvica in tetlaxinquj in tlatoanj ioan in cioatl qujntlatzontequjlia in ixqujchtin imaceoalhoan cana ixtlaoacan inca mocentlalia mochi tlacatl nananavi ic qujnmjna in mjtl çan ioioltimani Auh in jnechichioal tlatoanj in jtlaquen iehoatl in jtilma aço ocutocheoatl aço tequanehoatl aço oceloeoatl cujtlacheoatl anoço mjzeoatl ioan mjtoa itechaloxuchiuh icoçoiaoalol auh in jçioauh no iieoacue iieoavipil no iuhque in ie mochintin çioa mochipa itlavitol ietinemj acan qujcaoa in nenemj qujtqujtivi in tlaqua itlan cac in cochi itzontlan [fol r