cf_10_x

folio: 125r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

125r 891

¶ In naoa iehoantin in naoatlatolli ic tlatoa in achi mexica tlatoa in maca nel iuh tlanquj in maca nel iuh qujzquj in maço quenjn contlatlalia Injque in iuh mjtoa ca qujmotocaiotia chichimeca mochanecatoca qujtoznequj tulteca qujl iehoantin in qujnchachaiauhteoaque tulteca in iquac iaque in jquac atlan calac topiltzin Quetzalcoatl in ia in motecato in tlapalla in tlatlaia Injque in mozcalia tecuioque pilloque tlatocaioque auh pilti tecuti tlatocati tlapachoa altepeonoque qujveilia qujuecapanoa qujxpatlaoa in imauh in jntepeuh cujcamana veuequetza mjtoa qujxitia in atl in tepetl qujcaoanja vnca qujquanj motlaiecultianj aoaque tlaqualeque tlaquemeque cozqueque quetzaleque macuexeque chanque caleque mjleque [fol r

125r 892

] cuezcomeque auh teoaque quinotzque qujtlatlauhtique qujmoteutique in teutl in qujtocaiotique iooalli ehecatl tlateumatinj in ioalli ic qujtlaça tlapia teponaçoa cujcatoque mjço motetequj movitztlalia tlapitza apan temo Cecempoaltica in ilhujchiuhtivi vel intech ca in jxqujch ixtlamatiliztli in nematiliztli ioan in tultecaiutl amanteca tlacujloque tlaqujlque teucujtlaoaque tepuzpitzque tlaxinque tetzotzonque tlatecque tlachiqujnj tlapetlaoanj tlaiotovianj tzauhque hiqujtque mjmatque in jpan tlatolli mjmati in jpan tlaqualchioaliztli mjmati in tilmatica in tlaquentica teuoaque tlateomatinj tlatlatlauhtianj tlamananj tlenamacanj oqujchtinj in iaoc mjmatinj tlamanj tetopeoanj çan cuel ixqujch y njcan mjtoa oc mjec in mocaoa in jnnemjliz in naoa in naoatlaca