141r 940
] mjtoa Pantla njman ic atentli qujtocatiaque qujtztiuj in tepetl oc cenca iehoan in iztac tetepe îoan in popocatetepe haçito in quauhtemalla catentocatiuj auh injn amo çan moiocoia in vi ca qujniacana in jntlamacazcaoan auh qujnotztivi in jnteouh njman ic oallaque vncan ãçico in jtocaiocan tamooanchan Q n temooa tocha auh vncan vecaoaque auh injque y vncatca in tlamatinime in mjtoa amoxoaque Auh amo cenca vecaoaque in tlamatinjme njman iaque oc ceppa macalaqujque auh qujtqujque in tlilli in tlapalli in amoxtli in tlacujlolli qujtqujque in jxqujch tultecaiotl in tlapitzalli auh in jquac vnpeuhque qujnnonotztiaque in ixqujchtin qujncauhtiaque qujmjlhujque Qujmjtalhuja in totecujo in tloque naoaque in iooalli [fol r