cf_10_x

folio: 135v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

135v 920

¶ Izcatquj in jnnechichioal quaoacaltique quapatlachtique in jntzon qujtlatlapalpoaia qujpaia cequj coztic cequj chichiltic catca qujtlatlamantiliaia mjtoa mochampuchtiaia mochonpilichtiaia mopiochtia tlãtziquatique in oqujchti iuhqujn aiooachtli intlan catca Injque y matemequeque cotzeoaoaque chalchiuhmacuexeque quetzalmanaleque çoiatlaçooaleque cuecallaçooaleque cueçalecaceoaceque Injque y qujtitlanj in mjtl in pitzaoac in tlavitolli ioan qujlhuja tzaptopilli tecpatl in jiacac îcac anoço itztapalcatl anoço itztilactli auh in oqujtopeoato iiaouh conquechcotona qujtlaztiqujça in jtlac çan jio in jtzontecon qujtquj qujmotzonoatzaltia [fol v

135v 921

] intla navi macujlli caçi iavc izqujtetl qui tzonoatza in tzontecomatl Injque y muchi qualli in intlaquen in jntilma in jnquach mochi maviztic vmpa mochioa in qujlhuja centzontilmatli in centzonquachtli in tlatlatlapalquachtli vmpa vitz in cooaxaoacaio vmpa vitz in jxnextlacujlolli vel mocentzonjmati qujtitlanj in cozcatl in chalchivitl in xivitl in tevxivitl inchalchiuhchampuch In çioa cenca vel mocuetia movipiltia cenca vel motlapachoa in jntzonjpilhoaz tlatlatlapalpoalli hivitica tlailacatzolli