cf_10_x

folio: 141v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

141v 940

] in ehecatl njcan anmonemjtizque njcan tamechtocaujlico injn tlalli amechmomaqujlia in totecujo amomaceoalti amolhujlti oc nachca in motlamachititiuh in totecujo in tloque naoaque auh in jca oc ietivi ca tictoviqujlitivi in canjn motlamachititiuh in tlacatl in iooalli in ehecatl in totecujo in tloque naoaque ca movica ca mocueptzinoa tel vitz moqujxtiquiuh amechmatiqujuh in oîçiuh tlalli in ie tlaltzompa in ie itlamjan iehoatl tlatzonqujxtiqujuh auh in amehoan njcan annemjzque njcan antlapiazque amolhujl amonemac y in njcan onoc in jxoatoc auh in tlallan onoc amechmomaceoaltilia iehoatl in anqujoaltocaque auh in jnca oc ie toniativi tictoujqujlitiuj in canjn motlamachititiuh Niman ic iaque in teumamaque in qujmilli in tlaqujmjlolli qujtqui quil [fol v

141v 941

] qujnnotztiuh in jnteouh auh injc iaque ie tonatiuh yixcopa itztiaque qujtqujque in tlilli in tlapalli in amoxtli in tlacujlolli qujtqujque in tlamatiliztli mochi qujtqujque in cujcaamatl in tlapitzalli auh in mocauhtiaque in veuetque in tlamatinjme navintin ce itoca Oxomoco ce itoca cipactonal ce itoca tlaltetecuj ce itoca xuchicaoaca

141v 942

Auh in jquac oiaque y in tlamatinjme njman mononotzque mocentlalique y in navintin veuetque qujtoque