143r 943
] auh in jxqujch tlacatl vmpa qujtzaqualtique in tonatiuh ioan in metztli njman ic mjec in qujchiuhque tzaqualtotonti Vmpa vntlatlatlauhtiloia auh vmpa vnnetachcauhtlaliloia injc mjtoa teutioaca Auh in jquac mjquja tlatoque vmpa qujmontocaia njman impan qujntlaliliaia centetl tzaqualli in axcan onoc in tzaqualli iuhqujn tepetotonti ca ça ië matica tlachioalli ca coiontoc in vncan qujqujxtique tetl injc qujtlalique tzaqualli auh injc cenca vevei qujtlalique in tonatiuh itzaqual ioan in metztli iuhqujn ma çan tepetl ca njman amo neltoqujztli in mjtoz matica tlachioalli ca oc qujnamëti nenca in jquac No cenca vel itech neci in cholollan ca tlachioaltepetl ca xanio ca tlaqujllo ca neztica in çan tlatlalilli in çan tlachioalli auh injc qujtocaiotique teutioaca [fol r