 |
 |
 |
 |
 |
 |
 |
 |
Reproduccion digital
F Oc no ce diablo oqujmoteititiaque in veuetque yn itoca Nappatecutli qujl ynteouh in petlachiuhque yoan in tlacuechiuhque No qujtoaia ca iehoatl qujxoaltiaia in petlatolin yn aztapili yn tolmimilli Auh cexiuhtica qujlhujqujxtiliaia in petlachiuhque in tolcuechiuhque in tlacuechiuhque auh yn iquac yn ilhujuh qujçaia yn iehoantin yn iveueiovan cenca miectlamantli [fol
] tlavelilocaiutl qujchioaia O cel intlaveliltic yn iuh qujchiuhtiaque hi o centzompa yn tlaveliltic intla cequjnti noma qujlnamiquj ca diablo qujnvicaz yn imanjma
G Oc no ce diablo qujmoteutitiaque in veuetque yn itoca catca Tezcatzoncatl qujl qujchiuh yn vctli qujl itlanextli oc no miequjntin yn icnjoan yn itlacateculopoa çan no iehoatl yn vctli yn intequjuh catca Ca muchinti neteutiloia ilhujqujstililoia tlaiecultiloia ypampa yn intlauelilocaio ynjc tetepexiujaia tequechmecanjaia temictiaia oc cenca iehoantin yn tlachicque miectlamantli qujchioaia ynjc qujntlaiecultiaia Ointlaueliltic yn iuh qujchiuhtinenca oc cenca ointlaueliltic intla cequjntin noma iuh qujchiuhtinemi yn anoço qujlnamictinemi ca diablo qujnvicaz yn imanjma