22v 105

] njman ie ic tlaoana motlaoancatlalia in veuetlaca yn ie chicaoaque yn otlachicalhujque in ie quaiztaque in ie tzonjztaque yoan ilamatlaca yn ilamatque iehoan vel innemac catca in vctli in qujzque Auh in otlaivintic njman ie ic viujloa cecenmanoia xixitinjoa yn aca mochoqujlitiuh yn aca moqujchitotiuh mitotitiuh momamantiuh yn aca tetzatzilitiuh Auh in vctlali achto molcaoaltiloia çan no onnenca yn itequjuh yn ichiujl tlacaqujtiloia navilhujtl moçaoaia qujneçaujliaia yn itequjuh ynjc amo xocoiaz vel mopiaia vel motlacaoaltiaia amo cioacochia amo oqujchcochia intla cioatl çan njman aiac vel ontlapaloaia yn vctli yoan in necutli ynjc muchioaia aiac in manel imapil conaqujaia vel ymacaxoa vel malhujloia yn ixqujchca moiacaxapotlaz yn vctli Auh yn aqujn [fol v

22v 106

] ichtaca tlapaloaia yn tlachtacayia inmanel çan tepiton oconpalo iuh mitoaia tennecujlivia tepantilviia avic momamana avic xoqujvi ynjte yoan in aca matzicoliujia yma qujcuecuetza icxi qujcuecuetza macopichauj icxicopichahuj icxicuecuechca yhixatotoco tenpapatlaca tenviviioca itech qujneoa mitoa oqujtlavelique in xoxouhque tepicme Auh yn otlathujc njman ie ic apeoalo yn apeoa çan iehoan yn ioanjolque in vel icalloc in centlaca cemeoa in vel icujtlaxcolloc yn vel imecaioc moteneoa apeoalo iquac cempoliuja tlatlami in quexqujch mocaoaia in atl in tlaqualli yoan inoc quexqujch omocauh xaiocomic in vctli in aiuctli in tlachioalvctli in iztacvctli in cochvctli Auh yn tepiqujnj in tepicquj in tlacoacivi yn iuh omito tlacpac ic patiz yoan yn aqujn atlan miqujzquja ynjc amo mic iehoatl ynjc tepiquj ynjc moxtlaoa ynjc qujneltilia yn netol Auh yn ixqujch yn innechichioal yn intlaquen yn imamanepan yn imoztopil yn intlapetlanjlquauh yn imaiauhcocul yoan yn inchalchiuhxical yoan ynjn tlaquaia molcaxtotonti quauhcaxtotonti çoqujtecontotonti muchi vmpa concaoaia tepetzinco atlan contepeoaia vmpa anepantla ytocaiocan Pantitlan

22v 109

Injc cempoalli vmume capitulo ytechpa tlatoa in tezcatzoncatl yn inoan pouj centzontotochti

22v 110

Iehoatl in vctli ieppa tlatlaculli ipan machoia ca tetepexiuja tequechmecanja teatlauja temictia tetzavittonj amo pinavilonj amo chicoittolonj Auh ynjn [fol v

22v 111

] tezcatzoncatl ynoan pouj ynoan eoa yn moteneoa centzontotochti yn vctli innacaio ynj Iauhtecatl Aculhoa Tlilhoa Pantecatl Izqujtecatl Toltecatl Papaztac Tlaltecaiiooa Vmetuchtli Tepuztecatl Chimalpanecatl Colhoatzincatl Auh yn inechichioal Tezcatzoncatl aztatzone iacametze amanacoche veçalvitoncaoa chaiaoaccuzque colotlapile vmetuchchimale itztopile tecpatopile notzitzile

22v 112

22v 113

fin del libro

22v 113

[fol v

22v 114

] Comiença el apéndiz del primer libro en que se confuta la ydolatría arriba puesta por el testo de la Sagrada Escriptura y buelta en lengua mexicana declarando el testo suficientemente

22v 117

Prólogo mexicano

22v 118

In amehoantin in njcan antlaca in Nueua España in ammexica in antlaxcalteca in ancholulteca in anmichoaque yoan in amixqujchtin in anmacehoaltin in njcan annemi in india tlalli ipan ca cenca vey tlaiooalli yoan netlapololtiliztli yn atlaneltoqujliztli in tlateutoqujliztli in ipan oamechcauhtiaque yn amotahoan yn amoculhoan yn amachcoculhoan yn iuh neci in ipan ie uecauh amotlacujlol ma vel cenca xiccaqujcan vel xicacicacaqujcan Ca in axcan oqujmonequjlti in totecujo Dios otlacauhquj yn iyollotzin yn oamechoalmioalili in tlaujlli in ocotl in tlanextli injc anqujmiximachilizque in vel nelli Dios teiocujanj in qujmocujtlaujtzinoa in ixqujch in tlachioaltzin Auh yn netlapololtiliztli yn ipan annemi yn ixqujchcavitl vmpa otioallaque ca iehoatl yn amechiztlacaujaia amechtlapololtiaia auh in tlavilli in tlanextli anqujcnopilhujzque ynjc avel melaoac tlaneltoqujliztli yoan ic vel anqujcujzque anqujcaqujzque yn tlatoltzin Dios yn njcan icujliuhtica in vel iehoatl in amo tlatocatzin in España rey in amechvalmivalili no iehoatzin in ixiptlatzin Dios in Sancto padre in Roma moyeztica Auh injn ca ipampa oqujmuchivilique injc inmac anqujçazque in diablosme ioan ynjc anqujcnopilvizque un ilvicac tlatocaiotl