CF_01_I

folio: 30v

Reproduccion digital

CF_01_I 30v
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

30v 161

A Izcatquj yn inchoqujz yn imixaio in tlateutocanjme Erraujmus in via veritatis Sapientie capitulo qujtoznequj Ototlaueliltic ca otitiscuepque ynoc tlalticpac tinenca auh in melaoac iecnemilizvtli amo tiqujttaque in iecnemiliztonatiuh amo techtlanextli otechtlaciavilti otecianmicti in totlatlaculvuj auh yn tonetlapololtilizvuj cenca otechama cenca ovican otechaquj in totlatlacul tle otechonqujsti in nepoaliztli in tlatocaiutl tle otechonqujsti in tlalticpac necujltonoliztli In izqujtlamantli hi iuhqujma puctli ceoalli ompoliuhtiuetzi iuhqujnma titlantli in cenca totocatiqujça iuhqujnma acalli in cenca totocatiuh in iuhquj êcatoco in amo tle neci in campa qujça iuhqujnma tototl in cëca totoca injc patlanj yn atle icximachio qujcauhtiuh iuhqujnma totomitl in vel iciuhca onacitiuetzi amono neci in campa oqujz o ca iuhquj o topan omuchiuh in tlalticpac ca çan achintoca tlalticpac otonnëque çan iciuhca ontzonqujz in tonemiliz yn ipampa in totlatlacul [fol v

30v 162

] o vntlan vmpoliuh in tonemiliz

30v 163

B O ca iuhquj hi yn intlatol in tlateutocanjme iuhquj in yn inchoqujz yn imixaio yn intlaocullatol yn inchoqujztlatol yn njman aic vel moiollatizque Auh in qujmiximachilia in qujmotlacamachitia yn totecujo Dios qujcnopilhujzque yn itlatocaiotzin yn inecujltonoliztzin iehica ca cenqujzca mocujltonoanj yn totecujo Dios iuhca in teulatolli in tlacpac omito

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  11r  11v  12r  12v  13r  13v  14r  14v  15r  15v  16r  17r  17v  18r  18v  19r  19v  20r  20v  21r  21v  22r  22v  23r  23v  24r  24v  25r  25v  26r  26v  27r  27v  28r  28v  29r  29v  30r  30v  31r  31v  32r  32v  33r  33v  34r  34v  35r  35v  36r  36v  37r  37v  38r  38v  39r  39v