18r 96

] vel qujciiauj vel qujhiiouja ynjc qujtemoa in chalchiujtl in quetzalitztli in teuxiujtl yn apoçonalli in teucujtlatl in nepapan ihujtl in quetzalli in tzinjtzcan in tlauhquechol xiuhtototl in toztli çaqua quauhtli in tequaneoatl yn ocelupetlatl Auh in tecomatl in poctecomatl in aiutectli in aquaujtl yn atzaccaiutl intlanel iautitlan in tzacuj yn tzacutica tetlan onnemi vel calaquj motlacacuepa in nechichioaliztica in nexintica in tlatoltica qujntlaehecalhuja in chaneque Auh intla otlaneçomaltique intla oittoque vncan qujnpoiomictia qujnchillatilia ça aca aço ce aço vme yn oc nê tematitlanpa qujça iehoatl qujoalnonotzaia in Motecuçuma ic vncan qujmaca caqujlia y apoçonaltenteuh yc qujmaviziotia ic qujnezcaiotia intiiacauh vncan ic oqujchtia Auh yn iquac oalacia ynchan ynjmiloch ynnecuepal oqujchiuhque yn otlaltechacico [fol