25r 128
F Izcatquj in quenjn oqujpeoaltique in tlaueliloque yn aqujmatinj yn tlateutoqujliztli Ce tlacatl tlatoanj vnnenca ipiltzin çan vel izel ipiltzin itelpuch in cëca qujtlaçotlaia auh in telpuchtli mic auh yn itatzin cenca ic omotequjpacho [fol
CF_01_I
folio: 25r
Reproduccion digital
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
25r 129
] cenca chocac cenca otlaocux auh njmã otlanaoati ynjc quaujtl manoço tetl muchioaz moximaz in ixiptla itlaçopiltzin oqujtlaquauhnaoati in quauhxinquj ynjc vel ipatillo qujchioazque in vel iuhquj iez yn ipiltzin in tlaixiptlaiotl In oiecauh y in teixiptla njman qualcan oqujquetz vncan oqujmoteuti njman oqujnnaoati yn ichan tlaca in qujmoteutizque yoan ixpã tlamanazque qujmanazque yn amatl in copalli in suchitl G Auh ie iquezqujxiuhioc otlanaoati in tlatoanj ynjc ixqujchtin imaceoalhoan qujmoteutizque yn ixiptla yn ipiltzin yoan ixpan tlamanazque yujnj yn otzintic in tlateutoqujliztli
25r 130
A Izcatquj in oc centlamantli ynjc otzintic tlateutoqujliztli cequjntin oqujchiuhque imixiptlahoan yn intlaçohoan in veca nemi auh in ipampa ca veca nemi auel qujttaia yn ynnacaio ytech moiollaliaia yn imixiptlaoan yoan qujnmaujztiliaia yoan ispan tlamanaia aço tlatoanj anoço civapilli
25r 131
B Auh in iehoanti in tlacujloque cëca qujnematca icujloque in teixiptla vel maujztic vel iectli oqujchiuhque yn teixiptla ic oteioleuhque ynjc oneteutiloc C In iehoatl in tlacujlo yn anoço quauhxinquj anoço texinquj anoço teucujtlapitzquj injc cenca qujiolpachiujtiznequj yn oqujtequjti oc cenca qualli oqujchiuh yn amo machiuhquj catca yn inacaio yn itech amo copin yn itech amo cujc in teixiptla oc cenca qualli oqujtlali in teixiptla cenca ic otetlapololtique