26v 139
Iioiave totecujoe Diose in moiollotzin ca cenqujzca qualli cenqujzca iamanquj in ixqujch in topan ticmuchiujlia in timuchintin in cemanaoac titlaca ca muchi qualli muchi melaoac auh ipampa [fol v
CF_01_I
folio: 26v
Reproduccion digital
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
26v 140
] ca cenca qualli moiollotzin in tlatlacoanj amo njman tiqujnmopopolhuja amo njman tiqujnmotlatlatilia çan oc tiqujnmonemachtilia tiqujmononochilia ynjc qujcaoazque yn imaqualnemiliz ynjc motetzinco pachiujzque A Totecujoe in iehoantin tlateutocanjme in motlalpantzinco nemia cenca otiqujnmotlaelittili yn ipampa yn imaqualnemiliz ipampa ca cenca tequalanj teiolitlaco in qujchiuhtinenca ca tonalpouhtinenca tetlacujcujtinëca mecatlapouhtinenca tlaulchaiauhtinenca Auh in tlatlacateculo in tzitzitzimi imixpan tlamictiaia yoã yn inpilhoan qujnmictiaia in ca mostlaoaia yn imispan in tetlaxinti in quauhtlaxinti yoan qujquaia in tlacanacatl in iehuantin in vecauhtica tiqujnmuchieli ynjc qujcuepazque yn imaqualnemiliz auh ipampa yn amo qujnecque in qujcuepazque yn innemiliz otiqujnmopupulhuj oqujtzacutiaque yn intlauelilocaio oqujnpopoloque in momaceoaltzitzinhoan in xp^ianome
26v 141
B Totecujoe ynjc oiuh ticmuchiujli yn cujx aca itlaqujtoz Cujx aca qujtoz tleica yn iuh ticmuchiujlia in auh cujx aca mitzmotlatzovililiz in ipampa iuh ticmuchihujli auh cujx aca motetzinco motzoncujz yn ipampa in tlatzacujltiloca yn aqualti yn aiectli auh intla tiqujnmopopolhujz yn ixq'chtin cemanaoac tlateutocanjme cujs aca tlatoz cujx aca qujtoz tleica in iuh ticmuchiujlia ca muchinti motlachioaltzitzinhoan