cf_01_i

folio: 33v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

33v 166

] yntech tlamiloia in tlalloque in teilaqujliztli tlavitequjliztli ipampa yn in diablome qujmilhuj qujstiliaia yn ipan quavitleoa anoço atlcaoalo in veuetque in iquac xiuhtzitzqujloia in ipam imilhujuh tepeticpac mictiloia miequjntin pipiltzitzinti in moteneoaia tlacateteuhti in iehoantin yn ontecuezcomeque in qualli intonal no yoan temoloia patiutiloia mitoaia ca iehoantin vel tlaçonextlaoalti Injn ca cenca vey yoan cenca temamauhti tlatlaculli in qujchioaia in veuetque yn impampa diablome in tzitzitzimi in culeleti in iehoan tlaloque momotia ca iehoanti qujtemaca in qujaujtl yoan in isqujch tonacaiutl ic cenca omotlapololtique in veuetque yoan cenca oqimoiolitlacalhujque yn Dios ca çã vel izeltzin techmomaqujlia in tisqujchti cemanaoac titlaca in iehoatl qujavitl ynjc muchioa yn isqujch tonacaiutl ca iuhca in teutlatolli izcatquj Dabo vobis pluujas temporibus sujs et terra germinabit germen suum et pomis arbores replebentur Leujtici Motlatoltia in totecujo Dios qujmitalhuja Namechnomaqujliz in qujavitl in cecexiuhtica yn imonecian (intla uel anqujmonemiliztizque notenaoatil in tlacatle tlateutoqujliztli anqujchioazque) auh in tlalticpactli notencopa tlaxoaltiz tlatlaaqujllotiz auh in xochiqualquaujtl notencopa cenca moxochiquallotiz cenca tlaaqujz In amoculhoan amo qujmattiaque [fol v

33v 167

] atle oqujcactiaque in teutlatolli ic cenca in ca amo cacaiauhque in diablome in vel toiaoan in tlalticpac titlaca

33v 168

A Izcatquj in iuhca teutlatolli ynjc pinauhtilo in tlateutocanjme Inco n In tlateutocanjme ynjc cenca omotlapololtique in teutocaitl ytech oqujtlalique in tetl yoã in quavitl qujteutocaque in tetl yoã in quavitl in tevtl çan vel izeltzin yn eixcaujlaxcatzin in Dios in Teiocujanj yn Ipalnemoanj Auh yn ixpopoiome in tlateutocanjme qujtocaiotique in tetl qujlhujque ca tinoteouh qujlhujque in quaujtl ca tinoteouh tinotlatocauh No yoan in cëca tlaelittalonj in tlateutocanjme yn itocatzin Dios Ipalnemoanj intech oqujtlalique yn oqujchti yn cioa in miqujnj in palanjnj yn amo qualli innemiliz yn amo qualli injollo Injn ca tetzauhtlatlaculli in tlateutoqujliztli yn intlachioal yn amotahoan yn amoculhoan in veuetque izcatquj yn innetlapololtiliz