cf_08_viii

folio: 8r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

8r 109

¶ Auh injc macujlli muchiuh tlatoanj tetzcuco iehoatl in neçaoalpilli auh in tlatocat vmpoalxiujtl vnmatlactli ioã exiujtl in jpan muchiuh iauiutl in noujian ic tepeoaloia auh in iehoantin imomextin in neçaoalcoiotzin ioan neçaoalpilli in jcoac tlatocatque tzacuticatca in tlaxcalla ioan vexotzinco Auh in neçaoalpilli ipan peuh in tlein oalmoquequetzaia ilhujcatitech in iuhquj tlanextlj in iuhquj tlemjiaoatl [fol r

8r 110

] iceioal tlanextitica auh nauhxiujtl in jpan muchiuh ipan xiuhtonalli chicome tecpatl in iancujcan necico auh im poliuh ipan xiuhtonalli matlactloce tecpatl auh injc tlamanca nauhxihujtl mjieccan xiti tepetl in texcalli auh in jcoac poliuh in tlen oalmoquequetzaia oc iuh nauhxiujtl aciquiuj in Españoles auh icoac mjc in neçaoalpilli aocmo ixpan

8r 112

¶ Auh injc chicoacen tlatoanj muchiuh tetzcuco iehoatl in cacamatzin in tlatocat nauhxiujtl Iehoatl ipã muchiuh injc açico njcan castillan tlaca

8r 114

¶ Auh injc chicome tlatoanj muchiuh tetzcuco iehoatl in Coanacochtzin in tlatocat macujlxiujtl iehoatl ipã muchiuh injc peoaloque mexica imomextin quauhtemoctzin tenochtitlan tlatoanj