 |
 |
 |
 |
 |
 |
 |
 |
Reproduccion digital
In tlatoanj in jquac qujnequja iiellelqujçaz tlanaoatiaia injc patoz mjcujloa ce patolpetlatl ica tlilli papatlactic in tlaxotlalli ic mjcujloa in vncan nepoalo ic netlanjoa auh njman no mjxcoionja nauhtetl aiecotli injc patolo injc netlanjoa auh çan ie no iuhquj qujchioaia in calpixque injc mochi tlaçotli in jtlatquj in jaxca tlatoanj qujoalteca in oncan patoloian in quj [fol v
] tetlanitalhuja in tlatoanj auh in icoac intla otlanjhoac tlatoanj njman tepatla in calpixque ioan qu patla in jxqujchtin maçeoalti in ocontlalica tlatoanj in patoloia
¶ Injc chiquacen parrapho vncan mjtoa in aqujn tlatoanj qualli iiollo teicnoittanj
In tlatoanj cenca tetlaoculianj cenca teicnoittanj ioan teicnelianj in jcoac qujnequja qujçaz in otli qujtocaz in aqujn motolinja maçeoalli in motlapaloa injc qujtlapaloz tlatoanj intla ouelqujtlapalo in tlatoanj njman qujnaoatia in calpixquj qujmacaz tilmatli maxtlatl ioan icochia ioan in qujz in qujquaz tlaolli etl oauhtli
Auh intla motolinjanj çioatl motlapaloz qujtlapaloz tlatoanj çan no iuh qujcnelia qujtlauhtia in jujpil in jcue icochia in qujz in qujquaz tlaolli etl oauhtli
Auh intla motolinjanj çioatl motlapaloz qujtlapaloz tlatoanj çan no iuh qujcnelia qujtlauhtia in jujpil in jcue icochia in qujz in qujquaz tlaolli etl oauhtli