 |
 |
 |
 |
 |
 |
 |
 |
Reproduccion digital
No ioan vncatca in tlaiacanque in jpan manca acaquaujtl acaiietl iietlalli vel ocotzoio ioan xochiocotzotl ioan iiecaxitl ioan apantlecaxitl ioã tlêquaztli ioan apaztli ioan xoctli ioan atlalilcomjtl ioan xaiocomjtl ioan comalli ioan molcaxitl ioan in çoqujtecomatl ioã in jxqujch tlamantli çoqujtlatqujtl [fol v
]
Auh in iehoantin tianqujpan tlaiacanque intlacamo qujmocujtlauja intequjuh totoco ioan caoaltilo in jntequjuh Auh intla aca tlachtectli qujnamaca aço tlaçotilmatli anoço chalchiujtl intla oiximachililoc intlacamo qujnextiz in aqujn qujcohujli in tlein tlachtectli qujtzacutiuh mjquja iuhquj tlatzontequjliaia in tlatoque tecutlatoque ic mjmacaçia in tlein tlachtectli aiac vel qujcoaia in jntequjuh catca tianqujzpantlaca qujchioaia iiaujtacatl in tlaxcaltotopochtli ioan pinolli ioan texoatzalli ioan nextamalhoatzalli injc ipan tequjtia tianqujztli ioan in tianqujzpan tlaiacanque in tlaixquetzalli oqujchti ioan çioa in tequjtlatoque catca
¶ Ic cempoalli capitulo vncan mjtoa in quenjn qujnoapaoia in inpilhoan tlatoque ioan pipilti