cf_08_viii

folio: 11r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

11r 164

¶ In altepetl tullan cenca vej altepetl uel maujztic cenca mjiequjntin vncan nenca in chicaoaque in tlamatinj in jntlatollo mjtoz in jpan ic matlactli amoxtli Ioan in quen opoliuh in quenjn oxixitin omomoiaoac muchi oncan mjtoz Auh in jpan y capitulo çan ie ixqujch vncan mjtoa in ie quezquj tzonxiujtl in opoliuhque tulteca Ca ie ontzonxiujtl ipan caxtolpoalxiujtl ipan matlacxiujtl oncan oallaci oncan oallamj injn xiujtl Auh ie iuh cempoalxiujtl omome opoliuh in tullan in açico in tlalmaçeoaco omotecaco in chichimeca in vncan tetzcuco Auh in iancujcan inteiacancauh muchiuh in iuhquj ma in tlatocauh [fol r

11r 165

] muchiuh ipan in tlacat inj xiuhtzin in totecujo iesu xp'o Auh in azcaputzalco tlatoanj in moteneoa teçoçomoctli ipan in tlacat in jxiuhtzin totecujo Iesu xp'o Auh in mexico tlatoanj in acamapichtli ipan in tlacat Auh in tlacopã tlatoanj catca in jtoca chimalpopoca ipan in mjc ixiuhtzin totecujo Iesu xp'o

11r 166

¶ Ic chiquacen capitulo vncan mjtoa in nez in mottac in machiotl ioan in tetzaujtl in aiamo oalhuj españoles in njcan tlalli ipan ioan in aiamo iximachoia in njcan chaneque