cf_08_viii

folio: 46v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

46v 331

Auh iioaltica in jcoac ioalnepantla oaçic meoa in tlatoanj ioan in tecutlatoque ic ommotlapachoa in neçaoalquachtli ioan concuj in jntlema ioan icpaxiquipilli in vncan temj copalli ioan vitztli ioan conmocactia in jmpoçolcac auh in iehoantin teupixque papaoaque qujntlacoaantiuj in qujujca icpac vitzilopuchtli injc ommjço [fol v

46v 332

] iooalnepantla ioan ontlenamaca oncopaltema in jxpan vitzilopuchtli çan no iuj oaltemo tecpantiujtze qujntlacoaana in teupixque papaoaque ic ixtlapachiuhtiuj in neçaoalquachtli omjcallo in ooaltemoque njman ic huj in maltizque in tlatoanj ioã tecutlatoque injc iooaltica tlamaceoaia naujlhujtl in moçaoaia ic ixqujmjliuhticatca in neçaoalquachtli auh izqujlhujtl in nepãtla tonatiuh in ontlenamacaia ixpan vitzilopuchtli çan no izqujioal in ioalnepantla tlenamacaia ioan onmjçoia in jxpan vitzilopuchtli ioan maltiaia

46v 333

¶ Injc ey parrapho ipan mjtoa in quenjn qujtzonqujxtiaia tlamaçeoaliztli ioan qujujcaia in tlatoanj in tecpan itoalco ioã in oc cequjntin qujnujcaia in jnchan