cf_08_viii

folio: 51v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

51v 357

Auh no cenca qujcujtlaujltiaia injc vel tenotzaz injc qualli iez in jtlatol injc teimacaçiz injc temauhcaittaz aço cana qujnamjqujz aço tecutlato anoço achcauhtlaiacati anoço iautequjoa anoço çan aca tlapaltzintli anoço veuentzin anoço ilamatzin anoço aca motolinja qujtlapaloz cenca mopechteca qujlhuja xioalmoujca nocultzine ma njmjtznotlaxili auh in iehoatl [fol v

51v 358

] oqujtlapalo veuentzin njmã qujlhuja noxujuhtzine cozcatle quetzalle otinechmocnelili ma ximonenemjti auh injc iuh tetlapaloa y in piltontli ic cenca qujiecteneoa cenca ic papaquj ic motlamachtia qujtoa quenamj ietiuhi in piltzintli intla nemjz ca tel pilli aço itla imaçeoal iez

51v 359

Auh in jcoac ie matlacxiuhtia aço ie vmome anoço ie omej icoac qujcalaquja in calmecac inmac qujmoncaoaia in tlenamacaque in tlamacazque injc vmpa izcaltiloz nonotzaloz tlachieltiloz inic vel nemjz qujcujtlaujltia in tlamaceoaliztli in ioaltica in acxoiatlaliliztli içaçocampa acxoiatlalitiuh in tepeticpac in vmpa onmjcoia ioalnepantla anoce cujcacali qujcalaquja inmac concaoa in tiachcaoan qujcujtlaujltia in tlachpanaliztli anoço cujcoianoliztli in jxqujch tlamantli tlamaçeoaliztli mochioaia