cf_08_viii

folio: 11v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

11v 166

¶ In aiamo oallaci españoles oc matlacxiujtl centlamantli tetzaujtl achto nez ilhujcatitech iuhquj in tlemjiaoatl iuhqujn tlecueçallotl iuhqujn tlaujzcalli pipixauhticaca injc neçia iuhqujn ilhujcatl qujçoticac tzimpatlaoac quapitzaoac uel inepantla in jlhujcatl uel iiolloco in açiticac [fol v

11v 167

] ilhujcatl vel ilhujcaiollotitech açiticac in iuh ittoia vmpa tlapcopa in oalmoquetzaia oiuh onqujz ioalnepantla in neçia tlathujliaia ipan tlathuja Qujn iehoatl qujoalpoloaia in tonatiuh in jcoac oalqujçaia uel cexiujtl in oalmoquetzaia (ipan matlactlomome calli in peuh) auh in jcoac neçia tlacaoacaia netenujtecoia neiçaujloia tlatemmachoia

11v 168

Injc vntetl tetzaujtl muchiuh njcan mexico çan monomauj in tlatlac cuetlan aiac ma qujtlecauj çan monoma tlecauj in jcal diablo vitzilobuchtli mjtoaia itocaiocan tlacatecca in nez ie tlatla in tlaquetzalli iitic oalqujça in tlemjiaoatl in tlenenepilli in tlecueçallutl cenca çan içiuhca compalo in ixqujch calquaujtl Niman ie ic tlacaoaca qujtoa Mexicae ma oallatotoca tla ceujloz amapilol auh in jcoac caatequiaia in qujceujznequja çan ie ilhujce mopitza aocmo uel çeuh uellallac