8r 57
Cuix atle nimjtznochivililia ca nitlachpana ca nitlacuicui ni tletlalia in vncan nimjtznotlatolchialia in vncan mocnochã auh manoço cuele xinechmotlatlatili xinechõmocxipachilvi [fol r /r
CF_03_III
folio: 8r
Reproduccion digital
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
8r 58
] ma cuele nicceujto in nonacaio
8r 59
Auh yoan in Titlacaoan qujtoaia ca no iehoatl in qujtemacaia in netolinjliztli in cococ teupouhquj yoan tetech qujtlaliaia ic temotlaia in cocoliztli in vey in ouj in teucocoliztli in nanaoatl in tlaquaalaualiztli in qualocatl in xiiotl in xochiciuiztli in quexiliujliztli in xoteuconaujliztli yoan in oc cequj cuculiztli
8r 60
Auh in jquac tetech qujtlaliaia iquac in iolitlacoloia yn aqujn amo qujneltiliaia yn jnetol yn jtlacemitol yoan in qujtlacoaia in necaoaliztli yn ac ipan cioacuchi oqujchtli yn ac ipan oqujchcuchi cioatl yoan anoce monecaoalujltequj
8r 61
Aun in jquac in cenca tlaihiiouja cucuxquj cenca qujtlatlauhtia qujtzatzilia ymac tlatetotoc qujlhuja
8r 62
Titlacaoane ma oc xinechmocaxaujli macaocmo iuh njnochioaz ma onjcac ma oc notlaiecul auh intla oc tinechmopatiliz moujctzinco njnonetoltia ma njmjtznotlatlaiecultiliz intla itla njcnonenextiliz camo njctlacaquaz çan mocxitzin ic ticmonequechiliqujuh nican njcujcaz