 |
 |
 |
 |
 |
 |
 |
 |
Reproduccion digital
Izca oc centlamantli in mochiuh in tlacateculotl tianquiznepãtla in oalmotlalia quimotocaioti Tlacavepan anoço Cuexcoch vncã qujtotiaia iuhqujn piltontli (quilmach iehoatl in Vitzilobuchtli) imac quiquetzaia in quitotiaia auh in oquittaque in tulteca niman ie ic ivjc oxoqujvi ivic onmotepeoa in quittazque vel mjec tlacatl in vncan quequeçaloia in patzmiquia in qujnpatzmjctiaia auh in ie mjecpa iuh muchioa in miequjntin ie miquj in qujttaia in teitotia [fol v /v
] ça ie no ie in cacateculotl in tzatzic qujto tultecaie tlen oc ie tetzauitl amo totetzauh in teitotia auh injn ma miquj ma tetepacholo njman ic quitetepachoque tetica vetz auh in ie iuhquj njman ie ic yiaia vel temamauhti injc yias vel tetzõvitec auh incampa quivica iehecatl in jiaca njman ic miquja in maceoalti
auh in iquac ie mjec tlacatl ic miquj yn jiaca njmã ie ic qujmilhuj in tulteca çan ie no ie tlacateculotl qujto injn mjcquj ma vetzi ma motlaça ca ie tlaixpoloa yn iiaializ ma movilana
auh in tulteca njmã ie ic qujmecaiotia njman ie ic quivilana auh in iquac ie quivilana haqueoa cenca ietic in achtopa atle ipan qujtta ca qujmoxictica çatepan njmã ie ic tzatzioa auh qujto in tecpoiotl ma ixqujch tlacatl oallauh anquioalcuizque amovepanmecauh motlaçatiuh in mjcquj