cf_03_iii

folio: 18r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

18r 156

Izca yoan oc cëtlamantli in tetzavitl in jntetzauh muchiuh in tulteca quil centetl tepetl itoca Çacatepetl tlatlaia in iooaltica veca necia injc tlatlaia in tlecueçallotl veca iecoaia in iquac qujttaia tulteca vel mocomoniaia macomanaia maãtimoquetzaia in netenvitecoia in netenpapaviloia aoc tlatlacamamanca aoc yvian ieloaia auh injc quitaia itla tetzavitl quitoaia tultecaie ca ie ixquich ca ietivi ie iauh in tultecaiotl ca otitlatlatzivitique quënel campanel tiiazque [fol r /r

18r 157

] o totlaveliltic ximellaquaoacã

18r 158

Izca oc centetl in tetzavitl quil inpan tequiiauh in tulteca auh in otequjiauh çatepan oaltemoc ilhujcacpa centetl vei techcatl vnpa in Chapoltepecujtlapilco in vetzico aun çatepan onnenca illamato papannamacaia qujtotinëca ma amopatzin auh in aquique momiquitlanja quitoaia ma xinechoncovi njman ie ic iauh in vmpa ca techcatl aiac qujtooaia in tlein ie tay iuhqujn otlapoloq'

18r 161

Injc matlactli vce capitulo vncan moteneoa in oc centlamantli tetzavitl in çan ie no ieh quichiuh naoalli injc teca mavilti injc tlaixpolo Tullan in amo çan quexquich qujnmjcti in tulteca

18r 162

Izca yoan injc motetzanvique in tulteca qujl in tonacaiotl chichix chichipatic chichipatzõtic muchiuh aoc tecamac tlaliloia çan njmã aoc vel quiquaia in tulteca in tonacaiot vel inca mocacaiauh in tulteca