19v 169
auh yoan in cacaoaquavitl ipã quicueptia mizquitl auh in ixq'ch in tlaçototol in quetzaltotol in xiuhtotol in tlauhquechol muchintin achtopa qujmioa [fol v /v
![]() |
![]() |
![]() |
![]() |
![]() |
![]() |
![]() |
![]() |
Reproduccion digital
auh yoan in cacaoaquavitl ipã quicueptia mizquitl auh in ixq'ch in tlaçototol in quetzaltotol in xiuhtotol in tlauhquechol muchintin achtopa qujmioa [fol v /v
] ixpan onotiaque anaoacpa itztiaque auh in ie iuhqui njman ie ic vmpeoa nimã ie ic otlatoca njman jc acico cecnj Quauhtitlan cenca tomaoac in quavitl hicaca yoan cenca viac itech onmoquetz njman ie ic quioallitlan in itezcauh njman ie ic onmotac õmotezcavi qujto ca ie niveve njmã ic vncan tlatocaioti vevequauhtitlan njman ie ic qujmomotla quitetepachoa in quavitl auh injc quitetepacho tetl vel itech cacalac moçacalo itech in vevequavitl oc no çan iuh onezticaca iuh ittaloia tlatzintla peuhtica iuh vmpanvetzticac in îquac
auh in iquac otlatocaia Quetzalcóatl quitlapichilitivia oc ceppa mocevico cecni tepan onmotlali momamatlaquechi njman ie ic ontlachia in Tullan yoan njman ie ic choca iuhqujn tzitzicunoachoca ie ontecivitl pixavi ysaio ixtlan moteteca yn ixaio injc chichipica vel quicocoioni tetl