CF_03_III

folio: 35r

Reproduccion digital

CF_03_III 35r
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

35r 289

] Ca njcan tonconcuj toconana in amihjiotzin in amotlatotzi ma çatehoan titottati ma tictolhujltocati ma tictomactocati in njcan oalquiça in amihjiotzin in amotlatoltz injc ica injc ipampa anmonëtlamachitia in amocozquj in amoquetzal ca çan tictotlancaquililia in totecujo in topiltzin in Quetzalcoatl in tlilpotonquj anca quen qujmonequililia in amocozquj in amoquetzal auh anca quen amechmonequililia yn amehoantin anca quenami iez in cozcatl in quetzalli mach tocontotenitalhuizque in ma iuhqui y in ma iehoatl y ma tictocentemachilicã in totecujo in Tloque Naoaque quen techmonequililia ma oc titlancentemachica Niman quivica in piltontli in teupan amatl copalli in quitquj in pilhoaque in tlatoque anoço pipilti maxtlatl tilmatli cozcatl quetzalli chalchivitl in quivenchioaia Yn jc notlacatl çan amatzintli copaltzintli anoço yiauhtli in quitquj in jnven muchioa yn oconvicaque [fol r /r

35r 290

] njman cohça tlitica vel quixtlilpopotza njman tlacopatli quicozcatia Yn jcnotlaca çan ixqujch potonquj quicozcatia njmã qujnacaztequi contlatlaxilia yn ixiptla Diablo in iezio piltõtli intla oc piltontli oc quivica in pilhoaque intla tlatooanj ipiltzin icozquj umpa concaoaia in teupan conana in tlamacazque njman quimachtia yn ixquichnemiliztli njc nemoa calmecac in tlatecpantli

35r 293

Injc chicuey capitulo ytechpa tlatoa in nemiliztli in mopiaia Calmecac yn vncan nenca manoço muzcaltiaia tlenamacaq' yoan tlamacazque

35r 294

Injc centlamantli yn vmpa calmecac muchintin vmpa cochi in tlamacazque

35r 295

Injc ij muchioa muchi tlacatl tlachpana in vel oc iooa

35r 296

Injc in ie tláca in ie chicactotonti njman vih in quitenozque in vitztli in qujtoa vitztlapanazque

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v  23r  23v  24r  24v  25r  25v  26r  26v  27r  27v  28r  28v  29r  29v  30r  30v  31r  31v  32r  32v  33r  33v  34r  34v  35r  35v  36r  36v  37r  37v  38r