cf_03_iii

folio: 29r

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

29r 250

O tlacauhquj in amoiollotzin a ca nican tictotlacaquililia in totecujo in tlacatl in telpuchtli in iolla in ehecatl in iavtzin a ca iehoatzin in aqujmotlatlauhtilia in anqujmonochilia ca iehoatl yn anqujmomaquilia in amocozquj in amoquetzal in amotlatlacatilil ca çan tequjtl ticcuj ticcana yn anqujmomaquilia in totecujo ca çan tictotlacaqujlilia quen ie qujmonequiltitica auh quen qujmonequjlilitica in iehoatzin totecujo in amocozquj in amoquetzal ha nelli mach in tinentlamati in timacehoalti ha tlaiooaian in titlatoa quen ic qujmomachililitica in totecujo in Tloque Naoaque in Piltzintli quechichioaloc que naoatiloc [fol r /r

29r 251

] in iooaian tle ic apanaloc tlech quioalitqujtia yn iquac motlacatili auh tle itonal auh iequene tle ypan mati tle yn imaceoal in piltzintli tle yn jilhujl ha nelli mach in tictonenpiquilia in timacehoalti cujx mo haca qujn tlalticpac muchichioaz ha njmã tiquitquitivitze ha njman iooaianpa totlatquj oalietiuh

29r 252

auh in y manoço itlan onaquj yn vchpanoaztli in tlacuicuiliztli in chico tlanaoac tlatequiliztli auh in tletlaliliztli manoço ixillan itozcatlan onmãmaiavi in totecujo in iooalli yn ehecatl ma vncan panj tlanezian oalmotlali in quenami ynemac injc mãpantivitz in quenamj omacoc injc ochichioaloc in iooaia aço nelle axcan vncan conmaniliz in totecujo aço ixquitzin cõmopolhuiz acaço tolhujl acaço tomaceoal a cujx noço vel achitzin qujoallaliz in tonatiuh cujx noço caxitiz in nepã Cujx noço vel contlaçaz vel conaquiz in mavic in tonatiuh