11v 86
njmã quito in Quetzalcoatl ma oallauh ma oalcalaqui ca iehoatl in njcchia in ie macuil in ie matlac njman ic concalaquique ipan in Quetzalcoatl in vevento njman ie ic quitlaloa [fol v /v
CF_03_III
folio: 11v
Reproduccion digital
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
11v 87
] quilhui noxviuhtzine tlacatle quen ticmomachitia in monacaiotzin ca njcan catquj in patli yn onimjtzalnotquilili ma xicmiti auh njman quito in Quetzalcoatl tla xioallauh veventze otiquihjiovi oticciauh ca ie macuil ie matlac in nimichia
11v 88
auh njmã quilhui in vevento noxviuhtzine quen vel ticmomachitia in monacaiotzin
11v 89
njman quilhuj in Quetzalcoatl ca cenca noviã ninococova acan veli in momac in nocxic vel çoçotlaoa in nonacaio iuhquj ciciotomj
11v 90
aun njmã quilhui in vevento ca nican catquj in patli cenca qualli iamanquj yoan tetech quiz intla ticmitiz motech quiçaz yoan qujiamaniliz in monacaio yoã tichocaz icnoiovaz in moiollo tiquilnamiquiz in momiquiz auh yoan vel ipan tiquilnamiquiz incampa tiaz
11v 91
njman qujto in Quetzalcoatl campa niaz veventze njman quilhuj in vevento ca ça tiaz in vmpa Tullan Tlapalan ca tlacatl vmpa tlapia ie vevetlacatl ãmononotzazque auh in iquac tioalmocuepaz oc ceppa tipiltontli timuchioaz njman ic moioleuh in Quetzalcoatl auh in vevento ie no ceppa qujlhuj tlaoque xocõmiti in patli njman qujto in Quetzalcoatl veventze ca amo miquiz njman quilhuj in vevëto ma ça xoconmjti timotoliniz ma çan nel noço mixquac xocontlali motonal motoliniz ma çan achito xoconmopalolti
11v 92
aun in Quetzalcoatl njman conpalo achiton auh çatepã vel conjc njman qujto in Quetzalcoatl tlen j ca cenca qualli in cocoliztli ca oconpolo campa oia cocolli caocmo njnococoa
11v 93
njman quilhuj in vevento ca oc ce xoconj ca qualli in patli ic chicaoaz in monacaio
11v 93
auh niman ic ie no ceppa ce conjc niman ic ivintic njman ie ic choca vel iellelquiça ic vncan moioleuh in Quetzalcoatl vncã tlapan in jiollo aocmo conilcacaoaia ça ie in quimattinenca in qujmattinemja vel qujolmalacacho [fol v / v
11v 94
] in tlacateculotl
11v 95
aun patli qujmacac quilmach iehoatl in iztac vctli yoan quil iehoatl in teumetl ynecuio ic tlachiuhtli
11v 98
Injc macuilli Capitulo itechpa tlátoa in oc cencatlamantli tetzavitl in quichiuh naoalli Titlacaoan
11v 99
Auh izcatquj oc centlamantli in quichiuh Titlacaoa injc tlatetzavi ipan moquixti ipã mixeuh Touenio çan tlapilotinemj chilchotl quinanamaca onmotlalito tianquizco tecpã qujiaoac
11v 100
auh injchpoch Vemac cenca qualli cenca mjec tlacatl in tulteca in queleviaia in quitlania in qujmocioaoatizquja çan aiac quitlavelcaquili in Vemac aiac qujmacac
11v 101
auh in iehoatl injchpoch in Vemac oallachix in tianquizco qujoalittac in Tovenio tlapilotica