 |
 |
 |
 |
 |
 |
 |
 |
Reproduccion digital
Yn oquichtin in tiacaoan vevej chipoli in qujmocozcatia anoço teucujtlacozcatl motlacuechmanilia motlaeoatimanilia njman mjchio mjtoaia motlilzotia hapetztli ic conpotonja in jnechioal monacochtia moxixjuhnacochtia maztatia mochalcacatia ynjn chalcaiatl tlamalintli in jcpatl tlatlalpitl iuhqujn matlatl [fol v /v
] cillo in tlatoque teucujtlacillo in jnchalcaaiauh in quaquachicti in chalcaiauh mjtoa xoxocoio yn jc mjtoa xoxocoio veveypupul in itech qujpipiloa icpatetl yn iqc ie onaqui tonatiuh njman tleteca in quilhuja cujcacalco tlehquazco in tletletlalia telpupuchtli in ie tlaixmiqui njman peoalo in cujco muchitlacatl mjtotia ixqujchica yn oquiz iooalli xeliui yn oonquiz iooalnepantla
auh njman aiac tle qujmololooaia in ixqujch ic netotilo çanyio in neolololo chalcaiatl haçan nel iuhqui petlauhtinenia yn oquiz cuicatl njman cecenmanoa muztla yui muztla yui in centlaxilacalti motquitivi vmpa õcochi in jncochia injn telpuchcali
auh in ie vel oquichtin in ie quiximati tlalticpaiotl vmpa oncocochi in jnmecaoa