cf_03_iii

folio: 23v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

23v 200

auh in axcan ca omitzalmanili in Mjctlan tecutli in Aculnaoacatl in Tzõtemoc yoan in Mjcteca cihoatl ca omitzalmotetzonti ca omjtzalmocpalti ca nel vmpa tocenchan vmpa tocenpopolivjian vmpa tlatlalpatlaoa ca oiccen onquiz ca otonmovicac in quenamjcan ximooaian in vilooaian in apochqujiaoaiocã in atlecalocan caocmo ceppa miloch monecuepal ticchioaz caocmo tioallamatiz in monica motepotzco in macujl in matlac ca otiqujmonjcnocauhteoac otiqujmontlacacauhteoac in mopilhoan in moxvican caocmo tihoallamatiz y çaço quen popolivizque ca motech tonacitivi motech tonpachivitivi in macujl [fol v /v

23v 201

] picoles in matlac

23v 202

Auh izcatquj ic qujtlatlauhtiaia in mjccaoa Nopiltze ma ixqujch xicmanili ma ixqujch motlalpal xjcmochivili ma ximochicaoa ma ticcauh yn atolatl in tlapãqui ma ximelaquaoa quenel tiqujtoanj cujx çan aca ic techcocolia Cujx çan aca ic techqueloa ca oquimonequilti o quimjtalhuj in totecujo ca ie vncan ca itequjuh ca ie vncã ca itzonqujçaia quen xoconchioa in ma oc achitzin ca in ma oc cemilhujtzintli conmotlanevianj in tlaLticpac

23v 203

Auh ynjn tlacuelehoatl ontoneoa onchichinaca in moiollotzin in monacaiotzin tlacuelehoatl ontlaiooatica in vncan ontlacauhteoac in vncan ocontlatolchiaia in totecujo tlacuele centlamjc xoconmomachiti in jcnopilotl quennel timotolinja nopiltze ma ixquich motlapal xicmochivili ma no cuele iuhqujn tlaocoli tocontolo ca çan nican achitzin ic ticchicauhtivitze in moiollotzin in monacaiotzin ca nican popovi ixtlavi in naniotl in taiotl ca otlanemiuhcantili in totecujo ca oiaque in monanoa in motaoa in vel quiteneoaia in vel qujpoaia inchoquizio in ixcaioiotlatolli auh ca ie ixqujch injc mitzmotlatlauhtilia yn monaoa in motaoa tle ticmatcatzintli

23v 204

Niman qujntlachichiviliaia yn amatlamatque in vevetque in machiceque catca yn amatl quixoxotlaia quitetequja quihilpiaia auh in oquicencauhque in amatlatqujtl njman ie ic quichichioa in mjcqui quicocototztlalia icpac conteca atl quilhuja Jzcatquj yn oticmotlamachtico in oic tinenca tlaticpac

23v 205

auh nimã achi contonco conteca in atl conmaca quilhuja

23v 205

Yzcatquj injc tonotlatocaz njman itic conaquja niman ie ic quiquiquimiloa quiteteuhquimiloa quiteteuhilpia quicacatzilpia in mjcqui njman ie quimamaca in iamatlatqui auh in ocontlamamacaque njman ie conmaca centlamantli ixpan cõmana [fol v /v

23v 206

] quilhuja

23v 207

Yzcatquj in ic tonqujçaz in vncan tepetl imonamiquja

23v 208

auh izcatquj ic itla tonquiçaz in vtli qujpia yn coatl

23v 209

auh izcatquj iqu itlan tonqujçaz in xoxouhquj cuetzpalin in xochitonal

23v 210

auh izcatqui ynjc tocontocaz chicuey ixtlaoatl

23v 211

auh izcatquj ic tonquiçaz in chicuetiliuhcan

23v 212

Yzcatquj ic tonquiçaz in itzehecaian

23v 213

auh in vncan y ytzehecaian quil cenca netolonilo muchi hecatoco in jtztli yoan in xaltetl auh ipampa in miquja in oquichtin yn jntlavizpetlacal yn jnchimal yn jnmaquauh yoã in ixqujchtin ymalteooan yoã in ixqujch in itilma yoan in jxqujch in tlein itlatlatqui muchipan quitlatiaia