 |
 |
 |
 |
 |
 |
 |
 |
Reproduccion digital
auh in tulteca njman ie tzomonque çoneoaque njman ie ic quivica in tlatoanj quitepevitivi cololvitivj in tenamiquizque in tulteca intlatqui ietiuh in quetzalapanecaiotl yoan in xjuhchimalli in oacique itech njman ie ic qujtlamamaca cõmacaque in quetzalapanecaiotl yoã in xiuhchimalli in jxquich intlatquj ietia ipã mitotitivitz momalitotitivitz motelimantivitz motimalotivitz momamantivitz quicuicatitivitze cujcatl xauhtivitz cuicatl caoantivitz qujtlapichilitivitze [fol v /v
] in quiquiztli milintivitz tecciztli hoaoalacativitz auh in oacito in tecpan njman quipotonique in itzõtecõ yoan tecoçauhtica coçaque Yoã mjxtlapalhoatzalvi yoan muchint iuh muchichiuhque injc nioan
auh çatepan quilhuj in Vemac in jmon ca axcan pachivi in injollo tulteca injc tinomon otitlacnelli ma tlaltitech xaci ma xjcmocevili in mocxitzin
Injc chicome capitulo uncã moteneoa in oc centlamantli tetzavitl in quichiuh naoalli injc mjcque tulteca injc maceoaia mjtotiaia
Injc ontlamantli tetzavitl in iehoatl in tlacatecolutl in iquac omopotoni tocivitica in iquac ontepeuh njman ie ic qujiocoia in cujcoianoz in cujcamanaz njmã ie ic tzatzi in tecpoiotl in Tzatzitepetl icpac ontetzatziliaia ontenotzaia icematonaoac vel noviã quioalcaquja in itzatziliz in tecpoiotl auh çan vel iciuhca oalaxioaia