6r 19
] aqujn oqujmottiti in aço tlamacazquj in anoço çan mihiujntia in jaotlaueliloc in jquac in ouel cacic in ouel qujttac njman ie qujmottilia in jiollo qujcujtiuetzi qujtlalochana qujmotzoltzitzquja qujcotonilia ic qujtlaitlanjlia in tlein qujmacaz in tlein qujnemactiz in tlein qujmaceoaltiz aço necuiltonolli aço tlamaliztli aço oqujchiotl anoço netolinjliztli aço victli aço mecapalli iuh mjtoa ca much ie qujtemaceoaltiaia itenamac muchioaia Auh intla ie qujnotza qujluja tocnjuhtze vitzitle iaotle tle tinechiluja tle tinechnequjlia xinechcaoa njmjtzmacaz in tlein ticnequj vel njman íc tenotzaia ic qujtlacatocaiotiaia in aqujn tlein itoca in jpiltoca Auh qujluja in maceoalli in oqujmottiti amo njmjtzcaoaz ca onjmjtzan Ic vncan qujluja ízca ce vitztli njmjtzmaca xinechcaoa amo qujcelia amo qujuelitta in jollochicaoac qujnjquac quicaoa intla [fol r