CF_05_V

folio: 2r

Reproduccion digital

CF_05_V 2r
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

2r 8

] aço monamacaz motlanamjctiz anoço ipilhoan ceme qujnmonamaqujliz qujntlanamjctiz qujntlatlaculnamjctiz icnoiotl calaqujz in jnextitlan ín jtlecujllan atl neneciz in jchan Yn jq'c oiuh ipan muchiuh y njman ic iauh qujttaz in tonalpouhquj vmpa quellaquaoa qujtlapaloa qujlvia Timotolinja xole xolotze telpuchtle tiacave ca nel tictemoa tiqujtlanj in mellaquaoaloca ca ic otiualla in timotezcaujco in timamuxvico xicchie in tlein oticmomaceuj ca amo iuijan qualli amo tlacaiectli amo tlacaçemelle ca iuh conjtotiuj in techcauhtiuj in vevetque ca ujctli mecapalli icnoiotl quitemouja ioan anoce ie ixqujch aço titlatlatziujti aço ie muztla viptla moçomaz monenequjz in jpalnemoanj ma xicmotlatolchieli ca iuh machiotica in tonal amapan in vncan tictlapielia in cujtlapilli atlapalli cujx çan nel njmjtzihiçaviz njmjtmamauhtiz Ca mopan oqujnec in tlacatl totecujo camo motlacaiocoia in tequanj timotolinja ca nel iuhcan timotlacatili ca iuh ca motonal in amo tlacacemellecan Auh injn ca oneltico aço ie tocommaujçoz in quenamj momaceval ma ximellaquaoa ma titlaocux ixqujch motlapal oc motepitziollo oc mochoqujz motlaocul ipan xonie Ca izca ça [fol r

2r 9

] oc nen ic njmjtzpantia njmjtzteteuhtia ic njmjtzpatia ic njmjtzpaiaoalochtia xitlamaceoa ma iciuhca oniecauhtiuetzi in amatzintli in monextlaoal onmuchioaz xoconmococouj in jzqujtlamantli in amatl in copalli in olli etc Iquac yn ticmattiuj izca tonalli in jpan tictlamacazque tlalxictentica in meujltitica tioalmoujcaz nican njcnomaujz njccencaoaz njctlatlamantiliz in jxqujch monequjz in jzqujcan icaz toteteuh tonextlaoal ca nehoatl nonoma njctlatitiuh in mochan njcnomaujtiuh Ivin in qujchioaia motetzaujanj motetzauj etc

2r 11

Ic ome capitulo vncan mjtoa in tetzaujtl catca in çan necoc tlachiaia in iuhquj catca in jquac qujcaquja in tzatzia oactli ioan in tlein qujchioaia puchteca in jquac cana iuhquj vtlica in jnpan muchioaia in anoço inpan tzatzia

Folios: 1r  1v  2r  2v  3r  3v  4r  4v  5r  5v  6r  6v  7r  7v  8r  8v  9r  9v  10r  10v  11r  11v  12r  12v  13r  13v  14r  14v  15r  15v  16r  16v  17r  17v  18r  18v  19r  19v  20r  20v  21r  21v  22r  22v