cf_05_v

folio: 15v

Reproduccion digital

NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.

15v 89

Injn centlamantli suchitl ineconj Auh oc no centlamantli tlapalanaltiliztli no motocayotia cuetlaxuchitl auh ynjn cocoliztli oc cenca inpan muchioa in cioa oc cenca incocoliz amo no yehoan in toqujchtin Auh injn cocoliztli qujlmach ic peoa in iuh moztlacavia vevetque in aço oqujcuencolhuj in anoço oqujnecu in anoce oipan motlali ipampa in juhquj ic quixoxa ic itech motlalia Auh ipa pa in tenanoan qujntlacavaltia qujmauaya [fol v

15v 90

] in jmjchpuchoan qujmjlhujaya macamo xiqujnecujcan ma ypan ancholoti injn xuchitl amotech momanaz

15v 92

Injc ey capitulo itechpa tlatoa in suchitl yn ye tlatlalilli

15v 94

Suchitl ie tlatlalilli ca mjiec tlamantli injc motocaiotia in suchitl tlatlalilli chimalsuchitl quateçonsuchitl quachic vevetl moiauac in jtechpa yn suchitl no motlapololtiaya in vevetque qujtoaia ca amo tonemac in tlanepantla in jnepantla tiqujnecujzque ca çan iceltzin vel vncan motlanecujltia in tloque naoaque in titlacaoan çanijo tonemac in vncan titlanecujzque in jtenco

15v 96

Injc navi capitulo itechpa tlatoa in tlaulli