21v 189
[fol v
CF_05_V
folio: 21v
Reproduccion digital
NahuatlNotas Traducción (no todos los textos tienen estas opciones)
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
Estimado Usuario, en la versión en nahuatl original, usted podrá editar los textos pero el sistema no guardará dichos cambios, por favor tenga presente que cuando usted salga de cada página, su edición se perderá.
Cuado usted pulsa dos veces sobre una palabra, el sistema la buscará en los diccionarios.
21v 190
]
21v 191
Injc cempoalli on chicuacen capitulo ytechpa tlatoa in tecivitl
21v 193
In jquac qujavi in cenca tecivi in aqujn vnca imjl anoço ychilcuen anoço yiecuen ychian tleconextli qujiaoac qujoaltepeoa itvalco qujlmach yc amo teciviloz in jmjl qujl ic poliui in tecivitl
21v 195
Inj c cempoalli on chicome capitulo yntechpa tlatoa in tlatlavipuchti
21v 197
In iooaltica nemj tlatlacateculo aço nanaoalti tlavipuchtin in canjn ontepoloa in techan in oqujmjttaque in aço itla ic qujnpoloa in chaneque njman atlan conteca ytztli puertatitlan anoço itoalco qujmana in iooaltica qujtoaia qujlmach vncan onmotezcavia in tlatlacateculo yn tlavipuchtin in tepoloa aço mjcoaz anoce cocoliztli tepan muchioaz Ic njman choloa aiocmo ceppa tepolotivi in jquac oqujttaque itztli atlan onoc
21v 199
Injc cempoalli on chicuei capitulo ytechpa tlatoa in qujmjchin ytentlacaoal
21v 201
In qujmjchin in caço tlein qujqua aiac vel qujqualiaia qujlmach in aqujn qujqualia yn qcaoa qujmjchin itech tlatlamjz ca mjtoa oqujchtequjco in qujmjchin oqujchtacaqua Ipampa y in aiac vel qujqualiaia in itentlacaoal qujmjchin No yuh ipan mjtoz in aqujn qujqua itentlacaoal qujmjchin itech tlatlamjz in çaço tlein tlatolli anoço in tlein poliviz
21v 203
Injc cempoalli on chicunavi capitulo ytechpa tlatoa in jztitl
21v 205
Qujlmach in tozti in jquac motetequja atlan contepeoia qujlmach ipampa in iehoatl avitzotl qualli qujxoaltiz amo papatzaoaz qualli yez Ipampa in jquac aqujn qujlaqujaia qujqujxtiliaia in jzti ioan ixtelolo
21v 207
Injc cempoalli ommatlactli capitulo ytechpa tlatoa in acucholiztli