4r 15
njcan ixtlahoatl atlauhtli itic quavitl itic cecemmantoz in tomjo in totzon nonoqujuhtoz aalacatoz in tezço in totlapallo ca nel otomaceoaltic ma caiac qujcioatlamachti in ijollo xicmotlaquammacacan in mjqujztli xicmotlatlauhtilican in totecujo ma caiac tle itic qujnemjti qujlnamjqui ma ça qujn jc ticmatizque in çaço tle itech titotzotzonativi vncan ic cemmaian tontochochoqujlizque ca nel iehoatl injc tiquinteiotico tiqujmjtauhcaiotico tiqujntonaleoaco tiqujntzonteconacocujco in totechiuhcaoan in puchteca in jiaque ca ieeppa iuh quimattivi iuh qujmaujçotiuj camo qujn tehoan íancujcan ie toconnextizque ie toconjttazque in tlein topan muchioaz ximellaquaoacan nopilhoane Auh intla cana oimpan ioac cana quaujtl itzintlan anoço atlauhcamac ommololoa onmocemololoa ommotepeuhtitlalia monechicoa qujcujtlalpia qujcencujtlalpia qujcemjlpia qujcemmana in jntopil in jpan qujxeoaia [fol r