 |
 |
 |
 |
 |
 |
 |
 |
Reproduccion digital
In jtechpa in tlaulli mjiec tlamantli oc noma ic motlapololtia in cioa Injc centlamantli in jquac qujcuxitia in anoço qujnexquetza izcatquj in jnnetlapololtiliz in jquac ie contemazque in nexcomjc oc achtopa conahaiovia qujlmach ic amo momauhtiz ic amo motonalmauhtiz qujlmach ic contonallalilia Injc vntlamantli injc muztlacavia intlaoqujttaque in anoço oypan qujçatotlaulli [fol r
] chachaiauatoc tlalpan njman conpepentiuetzi qujtoa motolinja in tonacaiutl mochochoqujlitoc ca intlacamo ticpepenazque ca techteixpanujz in jxpantzinco totecujo ca qujmolhujliz Totecujoe injn maceoalli ca amo nechpepen in jquac tlalpan njcenmantoca ma xicmotlatzacujltili auh anoce timaianazque
Injc macujlli capitulo itechpa tlatoa in tecuencholhujliztli
In jtechpa tecuencholhujliztli no centlamantli innetlapololtiliz in njcan tlaca in jquac tla aca melavatoc piltontli necujliuhtoc intla aca oconcuencholhuj njman caoa in aqujn otecuencholhuj qujlhuja Tle ipampa in ticcuencholhuja qujlmach ic ayocmo manaz in piltontli ça ixqujchton iez auh injc compatiaia injc amo ipan muchioaz piltontli oc ceppa qujoalpancholhuja ic vmpatia
Injc chiquacen capitulo ytechpa tlatoa in atliliztli